Պուտինը Բեռլուսկոնիին կերակրել է իր սպանած եղջերուի սրտով

Պուտինը Բեռլուսկոնիին կերակրել է նոր սպանված եղջերուի սրտով։ Բեռլուսկոնիի «Առաջ Իտալիա» կուսակցության նախկին սենատոր Ֆաբրիցիո Չիկիտտոն այս մասին խոսել է Corriere della Sera-ին տված հարցազրույցում։ Նրա խոսքով՝ Բեռլուսկոնին անձամբ է իրեն պատմել այս պատմությունը։

«Պուտինն ասաց ինձ. «Սիլվիո, արի գնանք որսի»։ Ես մտածեցի՝ ես երբեք հրացանի չեմ դիպել։ Բայց նա պնդեց, և ես գնացի նրա հետ։ Երբ հասանք անտառ, նա ինձ տվեց մի հրացան։ Դա ինձ անհանգստացրեց։ Երբ մենք անցնում էինք ձյան միջով, նա տեսավ երկու եղջերուի և նշան արեց ինձ՝ ընտրել մեկին. «Դա քոնն է։ Կրակի'ր»։ Ես հասկացրեցի նրան, որ ավելի շուտ կկրակեմ ինքս ինձ։ Հետո նա կրակեց և երկուսին էլ սպանեց։ Ապա գոհունակությամբ նայեց ինձ. «Այսօր ես քեզ զարմանալի ուտելիք կառաջարկեմ»։ Նա վերցրեց դանակը, կտրվածք արեց գազանի վրա և հանեց նրա սիրտը։ Այնուհետև ուղեկցորդը վերցրեց մի փայտե սկուտեղ, տվեց ինձ և վրան դրեց արնահոսող սիրտը՝ հայտարարելով. «Սա հիանալի ճաշ կլինի»»,-պատմել է Բեռլուսկոնին, մեջբերում է Corriere della Sera-ն: