Սրբազանին հավատում եմ, սա պայքար է, որպեսզի հայ ժողովուրդն իր ունեցածը գնահատի․ Ալլա Լևոնյան

«Հրապարակի» զրուցակիցը երգչուհի Ալլա Լևոնյանն է:

- Վաղը մայիսի 9-ին Բագրատ սրբազանի գլխավորած երթը Երևան կհասնի: «Տավուշը հանուն հայրենիքի» շարժումը մարդկանց բողոքի ձայնն է բարձրացնում այս իշխանությունների գործողությունների դեմ: Միանալո՞ւ եք հանրահավաքին:

- Անպայման: Անգամ եթե հասցնեմ այսօր կմիանամ, եթե ոչ` վաղը անպայման: Բագրատ սրբազանի մասին հրաշալի կարծիք ունեմ և հույս ունեմ, որ ամեն ինչ լավ է լինելու: Ամեն դեպքում զարթոնքն արդեն կա, մարդկանց միավորվածությունը կա և այս ամենը դառնում է սիրո պայքար, բայց թե վերջն ինչ կլինի, ես չգիտեմ, հիմա այս պահին ես տեսնում եմ բարոյական զարթոնքը, այն ինձ շատ ուրախացնում է: Չափից շատ էր հուսահատությունն ու հուսալքությունը, հիմա պայքարելու ժամանակն է, իսկ այս պայքարը սիրո մասին է:

- Ձեզ իշխանականները քննադատում էին 2018-ի հեղափոխությանը չմասնակցելու համար: Ինչո՞ւ այն ժամանակ չմիացաք պայքարին:

- Ես հեղափոխություններ չեմ սիրում, երբ պատմություն ես կարդում, տեսնում ես, որ հեղափոխություններից հետո միշտ վատ բաներ են լինում, ինչը մենք ամեն օր տեսնում ենք: Չեմ միացել 2018-ին նրանց ու ճիշտ եմ արել, չեմ հավատացել նրանց, հիմա սրբազանին հավատում եմ: Այսօր տեղի ունեցողը մարդկանց իրար դեմ հանելու համար չէ: Սա պայքար է, որպեսզի հայ ժողովուրդն իր ունեցածը գնահատի, արժևորի: Իմանա իր պետության արժեքը, որ մահանա անտարբերությունը, լինի մեծ հույս:

Ամբողջական հոդվածը կարող եք կարդալ այս հասցեով:

Այս թեմայով Ալլա Լևոնյանը մասնակցում է Սրբազանի հավաքին Պետդումայում հայտնել են՝ որ դեպքում Ալլա Պուգաչովան կներառվի օտարերկրյա գործակալների ցանկում Տեսահոլովակի պրեմիերա․ Խորեն Լևոնյան և Իշխան Ղարիբյան՝ «Հայրենիքս» (տեսանյութ) Ալլա Պուգաչովան ծրագրում է վերադառնալ բեմ Ալլա Լևոնյանն անդրադարձել է իր մասնակցությամբ վթարին