Թող Եկեղեցին օգնի մեզ վերականգնելու մեր հպարտությունը և կրկին տերը դառնանք մեր ճակատագրի և մեր երկրի. Հասմիկ Պողոսյան

Իմ ամբողջական զորակցությունն եմ հայտնում Բագրատ Սրբազանի նախաձեռնությանը։ Այս մասին հայտարարություն է տարածել մշակույթի նախկին նախարար Հասմիկ Պողոսյանը։

Նա, մասնավորապես, նշել է. «Մեր օրերում անհրաժեշտ է արթնացնել հայի ոգին և վերադարձնել նրա պատմական արժանապատվությունը։ Մենք չենք կարող թույլ տալ, որ մեր ազգային ինքնությունը խարխլվի ու թուլանա մեկ մոլագարի և մի խումբ նյութապաշտների պատճառով։ Եկել է միասնության ժամանակը` պաշտպանելու մեր ազգային ժառանգությունը և ապահովելու մեր արժանապատիվ ապագան:

Մենք պետք է կանգ առնենք ինքնաոչնչացման ճանապարհին և վերադառնանք մեր արմատներին, մեր մշակույթին ու ավանդույթներին։ Սա ոչ միայն մեր ինքնության պահպանման, այլեւ մեր երկրի շարունակականության ապահովման խնդիր է։

Այսօր ես ստիպված եմ լինել տարագրության մեջ՝ քաղաքական հետապնդման պատճառով: Բայց իմ մտքերն ու հոգին Հայաստանի ու նրա մշակույթի հետ են, իմ արմատների հետ: 

Կոչ եմ անում Հայաստանի մշակույթի նվիրյալներին անհատական և խմբային կարգով սատարել Բագրատ Սրբազանի շարժումը՝ հանուն մեր հայրենիքի ապագայի:

Եկել է մեր արժանապատվությունը և հայ ժողովրդի գիտակցությունը վերականգնելու ժամանակը։ Մենք պետք է ստեղծենք հզոր իշխանություն՝ նվիրված մեր երկրի ու մեր ժողովրդի շահերին։ Եկել է ազգի համախմբման և վերածննդի ժամանակը։ Ես հավատում եմ մեր ներուժին և դժվարությունները հաղթահարելու մեր կարողությանը։

Այս թեմայով Ռուբենը գնաց Արցախ մեր 3 միլիոնի փոխարեն, մեր 10 միլիոնի փոխարեն՝ լինելով մեր 120,000-ի կողքին․ Առաքելյան Ֆուտզալի ազգային հավաքականը կրկին հաղթել է Մոլդովային Քանի՞ տեսակ զենք է արտադրում Ադրբեջանը․ Ալիևը կրկին պարծեցել է Վերականգնվում են «Քարակարմունջ» կամուրջը և Չորաթանի Սբ. Հռիփսիմե եկեղեցին «Մենք հայհոյել ենք Փաշինյանին, ինքն էլ դրանից նյարդայնացել ու հանձնարարել է` մեզ կալանավորեն». Սաղաթելյան (տեսանյութ)