Ոստիկանության՝ անհամաչափ ուժ կիրառելու հետևանքով քաղաքացին մարմնական վնասվածք է ստացել. իրավապաշտպանների հայտարարությունը

«Հինգ իրավապաշտպանների» նախաձեռնությունը հայտարարություն է տարածել․

 48 քաղաքացի ազատությունից զրկվել է՝ Երևան քաղաքի տարբեր վայրերում տեղի ունեցած խաղաղ անհնազանդության գործողություններն ապօրինաբար ու հարկադրաբար խափանելիս։ Նշված բոլոր քաղաքացիները ենթարկվել են 3 ժամով վարչական ձերբակալման ու ազատ արձակվել։ Ոստիկանության Նոր Նորքի, Արաբկիրի, Կենտրոնականի, Քանաքեռ-Զեյթունի, Էրեբունու բաժիններում նրանց այցելել են փաստաբաններ և ԱԺ պատգամավորներ։

 Էջմիածին քաղաքում զենք կրելու պատրվակով ձերբակալվել է 6 անձ։ Նրանց ձերբակալման իրական պատճառն առերևույթ այն է, որ վերջիններս նախապես հայտարարել էին Էջմիածնի թիվ 7 դպրոցի մոտ Նիկոլ Փաշինյանի առջև բողոքի խաղաղ գործողություն կատարելու մտադրության մասին։ Նշված անձինք 6 ժամ անց ազատ են արձակվել։ Ձերբկալվածներից որևէ մեկի մոտ զենք կամ արգելված այլ առարկա չի հայտնաբերվել։

 Ոստիկանության կողմից անհամաչափ ուժ կիրառելու հետևանքով մարմնական վնասվածք է ստացել մեկ քաղաքացի»