Մակրոնը հայտարարել է, որ Եվրոպան վտանգի մեջ է

Ֆրանսիայի նախագահ Էմանուել Մակրոնը հայտարարել է, որ Եվրոպան բավարար միջոցներ չունի իրեն պաշտպանելու համար, այն գտնվում է վտանգի մեջ։ Նրա խոսքերը հրապարակվել են քաղաքական գործչի YouTube–յան ալիքում։

«Եթե առարկայական նայեք, մենք՝ եվրոպացիներս, բավարար միջոցներ չունենք մեզ պաշտպանելու համար», - ասել է նա:

Նրա խոսքով՝ Եվրոպան վտանգված է ռազմական և աշխարհաքաղաքական առումով։ Նա նշել է, որ վտանգը պայմանավորված է Ուկրաինայում հակամարտությամբ, որի կողմերից մեկը «ունի միջուկային զենք և հրթիռներ, որոնք կարող են հասնել եվրոպական տարածք»։

Նա նաև նշել է, որ «եթե ռուսները հեռուն գնան», Եվրոպան ստիպված կլինի գործել՝ Ռուսաստանի Դաշնությանը զսպելու համար։