Փրկարարները վնասված ծառերը տեղափոխել են անվտանգ տարածք

Մայիսի 9-ին, ժամը 11:03-ին Ճգնաժամային կառավարման ազգային կենտրոն ահազանգ է ստացվել, որ Երևանի Երվանդ Քոչար փողոցի շենքերից մեկի բակում ծառն ընկել է ավտոմեքենաների վրա։

 

Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը:

 

Պարզվել է, որ ծառն ընկել է «Nissan» և «Mazda» մակնիշների ավտոմեքենաների վրա։

Փրկարարները մասնատել են ծառը և տեղափոխել անվտանգ տարածք։