Ուրախ եմ, որ ասելիքս հասել է ճիշտ հասցեատիրոջը. շնորհակալ եմ Բագրատ Սրբազանին. Արմեն Այվազյան
Հասարակություն
«Այսօրվա հանրահավաքում Բագրատ սրբազանը ընթերցեց ապագա անցումային կառավարության անհետաձգելի անելիքների ծրագրի նախագիծը, որի մեկ հատվածը քաղված էր, փաստորեն, իմ երեկվա գրավոր և բանավոր ներկայացված առաջարկությունների միջից։
Ստորև մեջբերում եմ համապատասխան հատվածը Բագրատ սրբազանի ելույթից.
«Պետք է կասեցվի մի շարք վիճահարույց ծրագրերի իրականացումը.
— անհեթեթ «Ակադեմիական քաղաք» կոչվածը,
— Հայոց լեզուն գիտության ոլորտից դուրս մղելու կառավարության 2298 որոշումը,
— բանկային գաղտնիքը վերացնելու մասին կառավարության որոշումը,
— բազմաթիվ անհասկանալի ծրագրերը` սկսած տրանսպորտային գներից մինչեւ հրեշավոր այլ թանկացումներ»։
Խիստ կարևոր էր նաև, որ սրբազանն ընդգծեց Հայաստանն «ազգ-բանակ»/«ազգ-ամրոց» հայեցակարգով կառուցելու կենսական անհրաժեշտությունը։
Ուրախ եմ, որ ասելիքս հասել է (հասցվել է) ճիշտ հասցեատիրոջը և շնորհակալ եմ Բագրատ սրբազանին այդ կարևոր կետերն ի լուր ամբողջ Հայաստանի հնչեցնելու համար։
Հ.գ. Իմ առաջարկություններում վերը մեջբերված հատվածը «ԽՆԴԻՐ № 4»-ում է, իսկ ազգ-բանակը հիշատակված է «ԽՆԴԻՐ № 3»-ում (համապատասխան հղումները բերված են մեկնաբանությունների դաշտում)»։
Ամենադիտված 
Վրաստանի նախագահը հայկական Լոռին և Տաշիրը «պատմական Վրաստան» է համարում․ 168.am
