Եթե ներկա իշխանությունները եկել են իշխանության՝ 2018թ․ սկսած, հայ եկեղեցին գոյություն ունի 1700 տարուց ավել և մինչև հիմա գործում է ազգի, ժողովրդի, երկրի շահերի համար․ Հրայր սարկավագ Հակոբյան

Փորձում էին բերման ենթարկել, չէին նկատել, որ հոգևորական եմ։ Հետո տեսան։ Այս մասին լրագրողների հետ զրույցում ասաց Արցախի թեմի սարկավագ Հրայր Հակոբյանը։

«Բաց թողեց և ավելորդ ոչինչ չեղավ»,- ասաց նա։

Դիտարկմանը, որ, ամեն դեպքում, հարգանքը կա՝ Հրայր Սարկավագն արձագանքեց՝ նշելով․ «Այո, դա կա, բայց լավ կլինի, որ զոհվածների ծնողների հանդեպ էլ լինի, հաշմանդամների հանդեպ, որ հասկանան, որ մարդիկ, որոնք դուրս են գալիս բողոքի՝անիմաստ չեն գալիս, տեսել են կամ գիտեն, թե ինչ է կատարվելու։ Գուցե նրանք էլ, որոնք այդ հրամանները կատարում են՝ սթափվեն»։

Ինչ վերաբերում է իշխանական թեզին, թե հոգևորականները չպետք է զբաղվեն քաղաքականությամբ, Սարկավագը նշեց, որ հոգևորականները քաղաքականությամբ չեն զբաղվում, սա քաղաքականություն չի, ազգի, երկրի, ժողովրդի հարց է։
«Եթե ներկա իշխանությունները եկել են իշխանության՝ 2018թ․սկսած, հայ եկեղեցին գոյություն ունի 1700 տարուց ավել և մինչև հիմա գործում է ազգի, ժողովրդի, երկրի շահերի համար, ճիշտ շահերի, ոչ թե՝ արհեստական խաբեության»,- ասաց Սարկավագը։

Անդրադառնալով ՔՊ-ական պատգամավոր Արսեն Թորոսյանի հայտարարությանը, թե հարցականի տակ է դրվում այդ 1700 տարին և հոգևորականությունը վտանգում է պետականությունը՝ Սարկավագն ասաց․ «Հիմա Արսեն Թորոսյանը նայու՞մ է։ Թողոցներում պտտվում եմ, կուզեմ՝ Արսեն Թորոսյանը մի օր գա, առերես խոսենք»։