Պարենային ապրանքները թանկացել են

2012թ. նոյեմբերին հոկտեմբերի համեմատ հանրապետությունում արձանագրվել է պարենային ապրանքների 2.6% գնաճ, ինչը հիմնականում ձվի, մրգի, բանջարեղենի և կարտոֆիլի ապրանքախմբերի 2.8-21.7% գնաճի արդյունք է: Դիտարկվող պարենային 13 ապրանքախմբերից 11-ում նշված ժամանակահատվածում գրանցվել է 0.1-21.7% գնաճ, իսկ մյուս 2-ում` 0.4-0.1% գնանկում: Բանջարեղենի և կարտոֆիլի ապրանքախմբում 2012թ. նոյեմբերին 2011թ. նոյեմբերի համեմատ արձանագրվել է 1.7%, իսկ 2012թ. հոկտեմբերի համեմատ` 21.7% գնաճ: Վերջինս հիմնականում պայմանավորվել է սմբուկի` 28.9%, սնկի` 31.0%, կանաչ պղպեղի` 45.3%, կանաչ լոբու` 50.9%, վարունգի`54.8%, լոլիկի` 96.3% գնաճով:

Հանրապետության դիտարկված բոլոր քաղաքներում 2012թ. նոյեմբերին հոկտեմբերի համեմատ բանջարեղենի և կարտոֆիլի ապրանքախմբի գներն աճել են 11.1-30.6%-ով (գնաճի ամենաբարձր ցուցանիշն արձանագրվել է ք. Մարտունիում): Մայրաքաղաքում բանջարեղենի և կարտոֆիլի ապրանքախմբի գներն աճել են 23.2 %-ով:

Մրգի ապրանքախմբում 2012թ. նոյեմբերին 2011թ. նոյեմբերի համեմատ արձանագրվել է 1.5% գնանկում, իսկ 2012թ. հոկտեմբերի համեմատ` 6.9% գնաճ: 2012թ. նոյեմբերին հոկտեմբերի համեմատ ադամաթզի գինն աճել է 1.2%-ով, արքայանարնջինը` 4.9%-ով, նռանը` 6.2%-ով, խնձորինը`15.3%-ով տանձինը` 23.6%-ով, խաղողինը` 48.0%-ով, դեղձինը` 60.6%-ով: Դրան զուգընթաց, հանրապետությունում գրանցվել է մանդարինի` 19.8%, կիտրոնի` 7.1%, նարնջի` 3.7% գնանկում:

Հանրապետության դիտարկված 9 քաղաքներում 2012թ. նոյեմբերին հոկտեմբերի համեմատ մրգի գներն աճել են 2.0-10.6%-ով (գնաճի ամենաբարձր ցուցանիշն արձանագրվել է ք. Եղեգնաձորում), իսկ երկուսում գրանցվել է 1.2-0.9% գնանկում: Մայրաքաղաքում մրգի գներն աճել են 9.1%-ով:

2011թ. նոյեմբերին հոկտեմբերի համեմատ մրգի, բանջարեղենի և կարտոֆիլի ապրանքախմբերի ընդհանուր գնաճը կազմել է 16.2%: Վերոհիշյալ ապրանքախմբերը սպառողական զամբյուղում ունենալով 9.92% տեսակարար կշիռ, նշված ժամանակահատվածում նպաստել են սպառողական գների ընդհանուր մակարդակի աճին 1.6 տոկոսային կետով:

Ձվի հանրապետական միջին գինը 2012թ. նոյեմբերին 2011թ. նոյեմբերի համեմատ նվազել է 3.2%-ով, իսկ 2012թ. հոկտեմբերի համեմատ` գրանցվել է 2.8% գնաճ: Կենդանական և բուսական յուղերի ապրանքախմբում 2012թ. նոյեմբերին 2011թ. նոյեմբերի համեմատ արձանագրվել է 3.4%, իսկ 2012թ. հոկտեմբերի համեմատ` 1.2% գնաճ: Վերջինս հիմնականում պայմանավորվել է արևածաղկի և ձիթապտղի բուսական յուղերի` համապատասխանաբար 1.7% և 2.9% գնաճով: Այլ յուղերի (հալած յուղի) գինը նշված ժամանակահատվածում աճել է 0.5%-ով, կարագինը` 0.9%-ով:

2012թ. նոյեմբերին 2011թ. նոյեմբերի համեմատ հացամթերքի ապրանքախմբում արձանագրվել է 10.7%, իսկ 2012թ. հոկտեմբերի համեմատ` 0.6% գնաճ: Վերջինս մեծապես պայմանավորվել է բրնձի` 0.9%, սպագետտիի` 1.7%, հացահատիկի` 1.8%, ոլոռի` 2.0%, առաջին և բարձր տեսակի ալյուրների` համապատասխանաբար 1.2% և 2.3%, մակարոնեղենի` 3.1%, լոբու` 3.8%, սպիտակաձավարի` 5.2% գնաճով: 2012թ. նոյեմբերին հոկտեմբերի համեմատ առաջին և բարձր տեսակի հացերի գներն աճել են 0.4%-ով, ձավարինը` 0.4%-ով, լավաշինը` 0.5%-ով:

Հանրապետության դիտարկված 9 քաղաքներում 2012թ. նոյեմբերին հոկտեմբերի համեմատ արձանագրվել է հացամթերքի 0.1-3.3% գնաճ, մեկում` 0.6% գնանկում, մեկում էլ պահպանվել է գների նախորդ ամսվա մակարդակը: Մայրաքաղաքում հացամթերքի գներն աճել են 0.3%-ով:

Մսամթերքի ապրանքախմբում 2012թ. նոյեմբերին 2011թ. նոյեմբերի համեմատ գրանցվել է 3.5%, իսկ 2012թ. հոկտեմբերի համեմատ` 0.6% գնաճ: Վերջինս հիմնականում պայմանավորվել է թռչնի մսի 0.7%,նրբերշիկի` 0.7%, կիսաապխտած և եփած երշիկների` համապատասխանաբար 1.5% և 2.7%, բաստուրմայի` 4.1%, հավի բդի` 5.1%, այլ մսեղենի (խաշի պարագաներ)` 21.9% գնաճով:

2012թ. նոյեմբերին հոկտեմբերի համեմատ հանրապետությունում արձանագրվել է ոչխարի, տավարի և խոզի մսերի` համապատասխանաբար4.2%, 1.4% և 1.0% գնանկում:

Հրուշակեղենի, այլ մթերքի, սուրճի, թեյի, կակաոյի, ոչ ոգելից խմիչքի, կաթնամթերքի ապրանքախմբերում 2012թ. նոյեմբերին հոկտեմբերի համեմատ գրանցվել է 0.1-0.4% գնաճ: Ձկնամթերքի և շաքարավազի գները նշված ժամանակահատվածում նվազել են համապատասխանաբար 0.4% և 0.1%-ով, իսկ ոգելից խմիչքի և ծխախոտի ապրանքախմբում պահպանվել է գների նախորդ ամսվա մակարդակը: