Հանդիպում ենք 12։30-ին ԵՊՀ գրադարանի դիմաց. դասադուլն օգտագործելու ենք կրթվելու և միասին քննարկում ծավալելու նպատակով

ԵՊՀ ուսանողական խորհուրդը տեղեկացնում է.

«Սիրելի՛ ուսանողներ,

քանի որ այս շարժումը հիմնված է հստակ գաղափարների և արժեհամակարգի վրա, ապա դասադուլը ևս ինքնանպատակ չպետք է լինի։

Պատասխանատու լինելով մեր կրթության իրավունքի առաջ՝ դասադուլի ընթացքը լրացնում ենք բովանդակային քննարկումներով ոլորտային լավագույն գիտնականների հետ։

Հանդիպում ենք 12։30-ին ԵՊՀ գրադարանի դիմաց։

Դասադուլն օգտագործելու ենք կրթվելու և միասին քննարկում ծավալելու նպատակով։

Մեր առաջին բանախոսը քաղաքական գիտությունների դոկտոր, պրոֆեսոր, ԵՊՀ կիրառական սոցիոլոգիայի ամբիոնի վարիչ պարոն Աթանեսյանն է»։