Ինչո՞ւ է աշխատանքից ազատվել Սամվել Դանիելյանը

Քիչ առաջ տեղեկացանք, որ աշխատանքից ազատվելու դիմում է ներկայացրել Յոլյանի անվան արյունաբանական կենտրոնի տնօրեն Սամվել Դանիելյանը։

Թե ինչ պատճառով, հստակ նշված չէ, և ինքը՝ Դանիելյանն էլ չցանկացավ նշել։ Նա MediaHub-ի հետ զրույցում ասաց, որ չի ցանկանում այդ մասին խոսել, պատճառները դեռևս թող միայն իրեն հայտնի մնան։

Այնուամենայնիվ, մեր տեղեկություններով, Դանիելյանին քաղաքական հայացքների համար են «ստիպել» աշխատանքից ազատվելու դիմում գրել։

«Մասնավորապես, նա Բագրատ Սրբազանի կողմից է, այսինքն՝ նաև հրապարակային ձևով իր դժգոհությունն է հայտնում այն մարդկանց նկատմամբ, որոնք Սրբազանի մասին վատ ձևով են արտահայտվում»,- ասաց մեր աղբյուրը։

Տեղեկացնենք, որ Սամվել Դանիելյանն «արյունաբանականի» տնօրենի պաշտոնում է 2019 թվականի հունվարի 14-ից։