Թեհրանում մեկնարկել է Իրանի նախագահի և ավիաաղետի մյուս զոհերի հրաժեշտի արարողությունը (լուսանկարներ)

Թեհրանում մեկնարկել է ուղղաթիռի վթարի հետևանքով զոհված Իրանի նախագահ Էբրահիմ Ռաիսիի և ավիաաղետի մյուս զոհերի հրաժեշտի պաշտոնական արարողությունը, փոխանցում է ՏԱՍՍ-ը։

Արարողությունը ղեկավարում է Իրանի հոգևոր առաջնորդ Այաթոլլա Ալի Խամենեին։

Իրանի մայրաքաղաքի փողոցները լցվել են հազարավոր քաղաքացիներով, ովքեր ցանկանում են հրաժեշտ տալ մզոհերին։

Արարողությանը ներկա է նաև պաղեստինյան արմատական ​​ՀԱՄԱՍ շարժման քաղբյուրոյի ղեկավար Իսմայիլ Հանիան։