Կիրանցի միակ դպրոցը բարդիների փոխարեն բորդյուրներով է «զինվում» թշնամու գալուն ընդառաջ․ «Նորոգում ենք, որ Ալիևայի համար վազքուղի դառնա». բնակիչ (տեսանյութ)

Նախօրեին` Կիրանցում ոստիկանական միջադեպից առաջ, լրագրողական խմբեր են այցելել Կիրանց, փորձել են տեղում հասկանալ` այս օրերին հայի ու թշնամու միջև կիսվող գյուղի ճակատագիրը, դրանից բխող անվտանգային ու սոցիալական ծանր հետեւանքները։

Սեփականության կորուստներ կրող ընտանիքներից մեկի զավակը խուսափել է խոսել տեսախցիկի առաջ, բայց շատ որոշակի ցույց է տվել նոր գծվող սայմանագիծը` հենց դպրոցի պռնգին տակ։

 Հայ-ադրբեջանական իշխանությունների քննարկած սահմանագիծը, որով վտանգվում է գյուղի միակ և նորակառույց դպրոցի սաների անվտանգությունը, սարսափելի է թվում բնակիչներին։

Հիշեցնենք` Փաշինյանն կիրանցիներին ապրումներից, թշնամու զորքին տեսնելուց խուսափելու համար առաջարկել էր չվախենալ եւ նրանց հետ չհարաբերվելու համար առաջարկել էր ընդամենը ծառեր տնկել դպրոցի շուրջը, այսինքն՝ բանակը փոխարինել թփերով։

 Ընդգծենք, բնակիչների ջանքերով դեռեւս կառուցման փուլում է դպրոցի բակն ու վազքուղին, իսկ տեղի բնակիչները վստահ են, որ այդտեղով միայն թշնամին կարող է անցնել, իրենք դժվար թե մնան դրկից` թշնամուն։

«Նորոգում ենք, որ Ալիևայի համար վազքուղի դառնա,  բա հրավիրել էինք, չէ՞»,– սև հումորով  են ներկայացնում իրենց պատուհասածը։