Մակրոնը երկու պայման է նշել ֆրանսիացի զինվորականներին Ուկրաինա ուղարկելու համար
Հասարակություն
Ֆրանսիայի նախագահ Էմանուել Մակրոնը The Economist-ին տված հարցազրույցում նշել է երկու հնարավոր պայման ֆրանսիացի զինվորականներին Ուկրաինայի մարտական գոտի ուղարկելու համար։
Ֆրանսիայի ղեկավարի խոսքով, եթե ռուսները ճեղքեն առաջնագիծը, կամ Փարիզը համապատասխան հարցում ստանա Ուկրաինայից, որն այսօր չկա, ապա Ֆրանսիայի իշխանություններն օրինական կերպով պետք է իրենց առջև դնեն զորք ուղարկելու հարցը։ Մակրոնը հիշեցրել է, որ Փարիզն արդեն իր զինվորներին ուղարկել է այլ երկրներ, մասնավորապես՝ Աֆրիկա, ահաբեկչության դեմ պայքարելու համար։
Պետության ղեկավարը նաև նշել է, որ արևմտյան մյուս երկրները չպետք է «ապրիորի» մերժեն այս տարբերակը՝ բացատրելով, որ դեռևս 2022 թվականի ամռանը Արևմուտքը բացառում էր Կիև տանկեր, հեռահար հրթիռներ և ինքնաթիռներ ուղարկելը, սակայն այժմ այս ամենը մատակարարվում է ուկրաինական կողմին։
Ամենադիտված 
Մնաս բարյավ. Րաֆֆի Հովհաննիսյան
