«Հայկազունք»-ը՝ ՌԴ-ում

Հայաստանի Հանրապետության սփյուռքի նախարարության նախաձեռնությամբ ԱՊՀ երկրների հայ համայնքների կրթամշակութային հիմնախնդիրների լուծման աջակցության ծրագրի շրջանակներում գուսանական և հայրենասիրական երգերի «Հայկազունք» համույթը՝ գուսան Հայկազունի ղեկավարությամբ, համերգային շրջագայությամբ գտնվում էր Ռուսաստանի Դաշնության Սամարա, Ուֆա, Օրենբուրգ, Կազան քաղաքներում:

Համերգային շրջագայության նպատակը Ռուսաստանի Դաշնության տարբեր քաղաքներում բնակվող հայերին հայկական ազգային, գուսանական ու հայրենասիրական երաժշտությունը ներկայացնել էր, այն երիտասարդությանը ճանաչելի ու ընկալելի դարձնելը:

Համերգներն անցել են լեփ-լեցուն դահլիճներում: Հայաստանից մեկնած համույթն արժանացել է ջերմ ընդունելության ու բարձր գնահատանքի: Բոլոր քաղաքներում համերգներից հետո ոգևորված հանդիսատեսն իր բարձր գնահատականն ու շնորհակալությունն էր հայտնում համույթի ղեկավարին և ՀՀ սփյուռքի նախարարությանը՝ իրենց համար անչափ կարևոր միջոցառումները նախաձեռնելու և իրականացնելու համար: