Ավազակային հարձակումը բացահայտվեց

Նոյեմբերի 28-ին՝ ժամը 19.00-ի սահմաններում, անհայտ անձինք Երևանի Մալաթիա թաղամասի գյուղմթերքների շուկայում դանակի սպառնալիքով հափշտակել էին Արարատի մարզի Հնաբերդ գյուղի բնակիչ, 1957 թ. ծնված Սամվել Մ.-ի մոտ եղած 80.000 դրամ գումարն ու դիմել փախուստի:

ՀՀ ոստիկանության քրեական հետախուզության գլխավոր վարչությունում ստացված օպերատիվ տեղեկություններն իրացնելու արդյունքում պարզվել է, որ այդ հանցագործությունը կատարել են Երևան քաղաքի Ծերենցի 3-րդ նրբանցքի 23 տան բնակիչ, 1977 թ. ծնված Արման Երիցյանն ու նրա ընկեր ոմն Արսենը:

Ոստիկանությունից տեղեկացնում են, որ կատարվում է նախաքննություն: