Վիրահայերը պահանջատիրական ցույց են կազմակերպել Թբիլիսիում` Թուրքիայի դեսպանատան մոտ

Թբիլիսիում վիրահայերը Հայոց ցեղասպանության 109-րդ տարելիցի կապակցությամբ Թուրքիայի դեսպանատան մոտ պահանջատիրական ցույց են անցկացնում, գրել է Aliq.ge-ն։

«Վրաստանի Հայ համայնք» հասարակական կազմակերպությունը նաև  ցուցահանդես է կազմակերպել, որտեղ ցուցադրված են ինչպես դրվագներ 1915 թվականի ցեղասպանությունից, այնպես էլ 2020-ից ի վեր Արցախի տարածքում տեղի ունեցած ոճրագործություններից, որոնք նույն ձեռագիրն ունեն։