Հանածո վառելիքի դարաշրջանը մոտենում է ավարտին. Շոլց

Հանածո վառելիքի օգտագործման դարաշրջանը մոտենում է ավարտին, հայտարարել է Գերմանիայի կանցլեր Օլաֆ Շոլցը։ Նրա խոսքերը մեջբերում է կառավարության մամուլի ծառայությունը։

«Իհարկե, բոլորիս համար էլ պարզ է. հանածո վառելիքի դարաշրջանը մոտենում է ավարտին: Բոլորիս համար սա նշանակում է արդյունաբերական գործընթացների փոփոխություն»,- ասել է Շոլցը:

Միաժամանակ, նույն ելույթի շրջանակներում Գերմանիայի կանցլերը շնորհակալություն է հայտնել Նորվեգիայի վարչապետ Յոնաս Գահր Շտյորեն Ռուսաստանի հետ առևտրային կապերի խզումից հետո Գերմանիային գազ տրամադրելու, այդ թվում՝ նոր հանքավայրերի յուրացման համար։