Տղամարդը դատի է տվել 50 կանանց՝ իր մասին «բամբասելու» համար

Կալիֆորնիայի Սանտա Մոնիկա նահանգից Ստյուարտ Լուկաս Մյուրեյը դատի է տվել 50 կնոջ՝ զրպարտության և «խտրականության» համար։ Աղջիկների հետ նա ծանոթացել է Tinder-ում, գրում է Sky News-ը։

Տղամարդը որոշել է դատի տալ աղջիկներին այն բանից հետո, երբ իմացել է, որ Facebook-ի «Մենք նույն տղայի հետ ենք հանդիպո՞ւմ» խումբը, որտեղ կանայք կիսվում են Ստյուարտի հետ շփման իրենց բացասական փորձառություններով: Շատերը գրել են, որ տղամարդը ծանոթությունների կայքերում իրեն «անպատշաճ» է պահել և մյուսներին զգուշացրել են չշփվել Ստյուարտի հետ։

GoFundMe-ի էջում, որը ստեղծվել է դատական ​​հայցին աջակցելու համար, Մյուրեյն ասել է, որ Facebook-ի առնվազն 238 օգտահաշիվներ «ավելի քան մեկ տարի ներգրավված են եղել իրեն վարկաբեկելու մեջ»:

«Նրանց որոշ գործողություններ ներառում էին առանց իմ թույլտվության իմ լուսանկարների հրապարակում, ինձ հետապնդելը և իմ մասին պատմություններ հորինելը», - ասել է Մյուրեյը:

Այս բոլոր գրառումները Ստյուարտին «հուզական անհանգստություն» են պատճառել։ Նա նաև չի կարողացել պատասխանել մեղադրանքներին, քանի որ խմբին միանալու նրա փորձերը մերժվել են։ «Այդ կանանց գործողությունները անողոք են և լցված ատելությամբ», - հավելել է տղամարդը:

Ստյուարտը հասցված վնասը գնահատում է 2,6 միլիոն դոլար։