Օվկիանոսի մեջտեղում խորտակված նավի նավաստիները ամայի կղզում մեկ շաբաթ միայն կոկոսով են սնվել

Միկրոնեզիայի դաշնային նավահանգիստների երեք նավաստիներ մնացել են օվկիանոսի մեջտեղում և մեկ շաբաթից ավելի ողջ են մնացել ամայի կղզում: Այս մասին հայտնում է CNN-ը։

Մարտի 31-ին տղամարդիկ նավարկել են Պուլուատ Ատոլից՝ Խաղաղ օվկիանոսի ջրերում ձկնորսության համար։ Ձկնորսության ժամանակ ուժեղ ալիքները վնասել են նրանց նավի արտաքին շարժիչը։ Նավաստիները ստիպված են եղել լողալով հասնել մոտակա ափին, ինչի արդյունքում՝ նրանք հայտնվել են Յապ նահանգի Պիկելոտ անմարդաբնակ կղզում։

Նավաստիները մեկ շաբաթ անցկացրել են կղզում։ Այս ամբողջ ընթացքում նրանք կոկոս են կերել և թարմ ջուր խմել կղզու փոքրիկ ջրհորից, որը երբեմն այցելում են տեղացի ձկնորսները։ Անհայտ կորածների որոնողական աշխատանքները սկսվել են ապրիլի 6-ին, երբ նրանց հարազատներից մեկը զանգահարել է փրկարարներին և հայտնել, որ նրանք անհետ կորել են։ 

Ապրիլի 9-ին նավաստիներին օգնության է հասել առափնյա պահպանության նավը։  Տուժողները հայտնել են, որ լավ ֆիզիկական վիճակում են և սպասում են Պուլուատ վերադառնալուն։