Բրիտանիան կանչել է Իրանի գործերի ժամանակավոր հավատարմատարին

Մեծ Բրիտանիայի արտաքին գործերի նախարարությունը կանչել է Իրանի գործերի ժամանակավոր հավատարմատարին և կոչ արել թուլացնել հակամարտությունը։ Այս մասին հայտնում է «ՌԻԱ Նովոստի»-ն՝ հղում անելով ԱԳՆ-ին։

«Այսօր Լոնդոնում Իրանի դեսպանատան գործերի ժամանակավոր հավատարմատարը կանչվել է արտաքին գործերի նախարարություն»,- պարզաբանվում է հաղորդագրության մեջ։

ԱԳՆ-ն ընդգծել է, որ Իրանի իշխանությունները պետք է անհապաղ միջոցներ ձեռնարկեն իրավիճակը կարգավորելու համար։ Միաժամանակ, գերատեսչությունում ընդգծել են, որ Բրիտանիան կշարունակի իր քաղաքական կուրսը, որն ուղղված է Իսրայելի և բոլոր գործընկերների, այդ թվում՝ Հորդանանի և Իրաքի անվտանգության պաշտպանությանը։

Միացյալ Թագավորությունը «խիստ հնարավոր արտահայտություններով» դատապարտել է Իրանի հարձակումն Իսրայելի վրա և նրա կողմից հարևան պետությունների օդային տարածքի խախտումը։

Մինչ այս հայտնի էր դարձել, որ բրիտանական ռազմաօդային ուժերը Իսրայելի վրա հարձակումը հետ մղելիս իրանական մի քանի անօդաչու թռչող սարք են խոցել։