ԱՄՆ-ը չի աջակցի և չի մասնակցի Իրանի դեմ որևէ հարձակողական գործողության․ Բայդենը՝ Նեթանյահուին

ԱՄՆ նախագահ Ջո Բայդենը շաբաթ օրը Իսրայելի վարչապետ Բենիամին Նեթանյահուի հետ հեռախոսազրույցում ասել է, որ ԱՄՆ-ը չի աջակցի Իրանի դեմ Իսրայելի որևէ հակահարձակման։

Դա կարևոր է, քանի որ Բայդենը և նրա գլխավոր խորհրդականները չափազանց անհանգստացած են, որ Իրանի հարձակմանը Իսրայելի պատասխանը կարող է հանգեցնել տարածաշրջանային պատերազմի՝ աղետալի հետևանքներով, ասել են ԱՄՆ պաշտոնյաները: Բայդենը Նեթանյահուին ասել է, որ Իսրայելի, ԱՄՆ-ի և տարածաշրջանի այլ երկրների համատեղ պաշտպանական ջանքերը հանգեցրել են Իրանի հարձակման ձախողմանը, ասել է Սպիտակ տան պաշտոնյան։

Նշվում է, որ Բայդենը Նեթանյահուին ասել է, որ ԱՄՆ-ը չի աջակցի և չի մասնակցի Իրանի դեմ որևէ հարձակողական գործողության, ինչի հետ համաձայնել է Նեթանյահուն:

Իր հերթին, ԱՄՆ պաշտպանության նախարար Լլոյդ Օսթինը իսրայելցի իր գործընկեր Յոավ Գալանտի հետ քննարկել է ներկա իրավիճակը և խնդրել Իսրայելին տեղեկացնել ԱՄՆ-ին Իրանի դեմ որևէ գործողությունից առաջ։