Իսրայելի բանակը լիբանանյան 30 գյուղերի բնակիչներին տարհանվելու կոչ է արել

Իսրայելի պաշտպանության բանակի (ԻՊԲ) ներկայացուցիչ Ավիչայ Էդրին արաբերենով տարհանվելու կոչ է արել լիբանանյան շուրջ 30 գյուղերի բնակիչներին՝ սեփական անվտանգության նկատառումներից ելնելով: «Արմենպրես»-ի փոխանցմամբ՝ Էդրին համապատասխան հայտարարությունը տարածել է X սոցիալական հարթակում:

««Հեզբոլլահ» շարժումը ԻՊԲ-ին ստիպում է գործել իր դեմ: ԻՊԲ-ն չի ցանկանում վնասել ձեզ, և ձեր անվտանգության նպատակով դուք պետք է անհապաղ լքեք ձեր տները: Յուրաքանչյուր ոք, ով գտնվում է «Հեզբոլլահ»-ի անդամների, օբյեկտների և մարտական սարքավորումների կողքին, վտանգի տակ է դնում իր կյանքը: Ակնկալվում է, որ յուրաքանչյուր տուն, որը «Հեզբոլլահ»-ն օգտագործում է իր ռազմական նպատակների համար, կդառնա թիրախ», - գրել է Էդրին:

Իսրայելի պաշտպանության բանակի ներկայացուցիչը թվարկել է նաև այն բնակավայրերը, որտեղից անհրաժեշտ է տարհանվել հյուսիսային ուղղությամբ։

Մանրամասն՝ սկզբնաղբյուր կայքում։

Այս թեմայով ՌԴ ԱԳՆ-ն խստորեն դատապարտում Է Իսրայելի հարձակումը Լիբանանի վրա Գերլարված ու բարդ իրավիճակ է Լիբանանում․ Գանտահարյանը՝ Լիբանանում տիրող իրավիճակի ու գիշերվա բախումների մասին ՀՀ ՊՆ-ն՝ Լիբանանում ՀՀ ԶՈՒ խաղաղապահ զորախմբի ծառայության վերաբերյալ Տարհանում իրականացնելու անհրաժեշտություն չկա ․ Ի՞նչ իրավիճակ է տիրում Լիբանանում․ ներկայացնում է Հակոբ Բագրատունին «Լիբանանում իրականացվող ռազմական գործողությունների հետևանքով տուժածների շրջանում հայեր չկան»․ Լիբանանում Հայաստանի դեսպան