Հոկտեմբերի 2-ից 4-ը ՆԳՆ միգրացիայի և քաղաքացիության ծառայությունը կշրջի Լոռու մարզում

Միգրացիայի և քաղաքացիության ծառայությունը հաղորդագրություն է տարածել․

«ՆԳՆ միգրացիայի և քաղաքացիության ծառայությունը շարունակում է մարզերում շրջիկ ձևաչափով ծառայությունների մատուցումը։

Տեղում աշխատանքներն առավել արդյունավետ կազմակերպելու, ծառայությունները քաղաքացիներին առավել հասանելի դարձնելու, ինչպես նաև ԼՂ-ից բռնի տեղահանված անձանց ՀՀ քաղաքացիություն ստանալու վերաբերյալ դիմումների ընդունմանն աջակցելու նպատակով ՆԳՆ միգրացիայի և քաղաքացիության ծառայությունը ներդրել է շրջիկ ծառայություն։

Հոկտեմբերի 2-ից 4-ը նախատեսվում է շրջիկ ծառայություն իրականացնել Լոռու մարզում:

Մասնավորապես՝

Լոռի Բերդ համայնքում՝ հոկտեմբերի 2-ին, ժամը 11.00-17.00,

Ստեփանավան համայնքում՝ հոկտեմբերի 3-ին, ժամը 09.00-17.00,

Գյուլագարակ համայնքում՝ հոկտեմբերի 4-ին, ժամը 09.00-11.00,

Կուրթանում՝ ժամը 12.00-14.00,

Վարդաբլուրում՝ ժամը 15.00-17.00»։