Անգլիական Ռոչդեյլ քաղաքի հրապարակում տեղադրված հսկայական տիկնիկը վախեցրել է տեղի բնակիչներին
Այլ
Անգլիական Ռոչդեյլ քաղաքի հրապարակում տեղադրված հսկայական փոքրիկի պատկերով տիկնիկը վախեցրել է տեղի բնակիչներին։
Ավելի քան 8 մետր բարձրությամբ տիկնիկը, որը կոչվում է Լիլի, ունի հսկա շարժական վերջույթներ եւ բերան, որը բացվում եւ փակվում է Պինոքիոյի նման, հայտնում է BBC-ն։ Տիկնիկը տեղադրվել է որպես նոր արշավի մի մաս, որը խրախուսում է դպրոցականներին խոսել շրջակա միջավայրի կարեւորության մասին: Հաղորդվում է, որ աշակերտները Լիլիի հետ «կխոսեն» կենդանիների եւ բնության մասին հոգ տանելու իրենց ծրագրերի մասին։
Թեեւ երեխաներին, կարծես, տիկնիկը չի վախեցրել, մեծահասկներից շատերն այնքան էլ ոգեւորված չեն դրա առկայությունից։
«Նա ուղղակի սահմռկեցուցիչ է իր փակ աչքերով, իսկ, երբ բացում է դրանք ավելի ահավոր է դառնում»,-BBC-ին ասել է անցորդներից մեկը: Մեկ ուրիշը պնդում է, որ ինքը «երբեք նման բան չէր տեսել Ռոչդեյլում», իսկ մյուսը տիկնիկին անվանել է «ամենատգեղ երեխան, որ երբեւէ տեսել է»:
Լիլին նաեւ սարսուռ է տարածել Facebook-ի օգտատերերի շրջանում, որոնցից մեկը տիկնիկը նկարագրել է որպես «դիվային»:
Ամենադիտված 
Ուժգին երկրաշարժ է տեղի ունեցել Թուրքիայում. քաղաքացիները խուճապահար դուրս են վազել փողոց
