Ինձ համար աներևակայելի է կասկածի տակ դնել նրա նպատակները. Աֆեյանը` Ռուբեն Վարդանյանի մասին
ՏեսանյութերՌուբեն Վարդանյանին լավ ճանաչում եմ, մոտ 25 տարի: Տեղեկություններ նրա մասին ստանում եմ միայն ընտանիքից, քանի որ Բաքուն արտոնել է կարճ խոսակցություններ, որոնցով ներկայացրել է իրավիճակը: Այս մասին այսօր ասաց «Հայաստան 2041» բարեգործական հիմնադրամի համահիմնադիր Նուբար Աֆեյանը` անդրադառնալով Բաքվի բանտում պահվող Ռուբեն Վարդանյանին և նրա մասին Փաշինյանի հնչեցրած խոսքերին, ըստ որոնց կասկածի տակ են դրվում Ռուբեն Վարդանյանի նպատակները:
«Ադրբեջանի հետ խաղաղություն չի կարող լինել, եթե արդարություն չլինի: Հույսով եմ` կառավարությունը միջոցներ կդրամադրի, որ հայ գերիները ազատվեն, մեր պատմության մեջ հրաշքներ եղել են: Հույսներս հրաշքի վրա ենք դնում, բայց դրա գաղափարը ինձ համար հավատք է, որ աներևակայելին դարձնենք իրական: Վստահ եմ, որ մեր Կառավարությունը և այլ մարդիկ գործակցում են, որ այս նպատակին հասնեն»,- նշեց Աֆեյան:
Աֆեյանի խոսքով` Ռուբեն Վարդանյանի անձնազոհությունը կասկածի տակ դնել պետք չէ. «Ռուբենը իմանալով, որ վտանգի մեջ է հայտնվելու գնաց Արցախ` ժողովրդին օգնելու: Տասնյակ ծրագրեր ենք իրականացրել և այդ գործունեության մեջ ես տեսել եմ նրա նվիրումը: Ինձ համար աներևակայելի է կասկածի տակ դնել նրա նպատակները: Բայց եթե այդ ձևով ուզում ենք կասկածներ ուղղել այլ երկրների և ագենտների դեմ, շատ լավ հասկանալի է քաղաքական կոնտեքստում: Եթե փաստեր կան, որ այլ ուղղությամբ են գնում, ես էլ եմ պատրաստ աջակցելու»,- նշեց Աֆեյանը:
Ամենադիտված 
Մնաս բարյավ. Րաֆֆի Հովհաննիսյան
