Ռուսաստանն արգելում է օրինախախտ ամերիկացիների մուտքն իր երկիր
Ռուսաստան
Ռուսաստանը ԱՄՆ-ի Սենատի կողմից հինգշաբթի օրը ընդունած Մագնիտսկու ցուցակի մասին օրինագծին պատասխանելու է մարդու իրավունքները խախտած ԱՄՆ-ի քաղաքացիների մուտքն իր երկիր արգելելով. հայտարարել է ՌԴ ԱԳ նախարար Սերգեյ Լավրովը:
«Ես հաստատում եմ, որ մենք նույնպես կարգելենք մարդու իրավունքները խախտած ամերիկացներին մուտք գործել մեր պետության տարածք»,-ասել է Լավրովը՝ մեկնաբանելով Դուբլինում ԱՄՆ պետքարտուղար Հիլարի Քլինթոնի հետ ունեցած հանդիպման արդյունքերը:
ԱՄՆ-ի Սենատը հինգշաբթի օրը հաստատել է Մագնիտսկու ցուցակում հայտնված ՌԴ քաղաքացիների նկատմամբ վիզային պատժամիջոցներ կիրառելու մասին օրինագիծը: Օրինագծի ընդունման կողմ է քվեարկել 92 սենատոր: Նախագահ Օբաման հայտարարել է, որ օրինագիծն ուժի մեջ կմտնի ամենամոտ ժամանակներս:
Այժմ օրինագիծն ուղարկվել է նախագահի հաստատմանը:
Ռուսաստանի ԱԳՆ-ն օրինագիծն անվանել է աբսուրդի թատրոնի թատերական ներկայացում և նշել, որ այն բացասաբար կանդրադառնա երկկողմ հարաբերությունների հետագա զարգացման վրա:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
