Ամանորից առաջ գրանցվում է 15-20% թանկացում

«Մեր կատարած ուսումնասիրությունները ցույց են տվել, որ այս պահին մեր երկրում շոշափելի գնաճ չկա: Ընդամենը 1-2%: Սակայն չի բացառվում, որ Ամանորի նախաշեմին որոշ ապրանքների գները բարձնանան: Անցած տարի, օրինակ, մինչև 15-20% գնաճ է եղել»,-ասյօր լրագրողների հետ հանդիպման ժամանակ հայտնեց «Սպառողների իրավունքների պաշտպան» ՀԿ-ի նախագահ Լուսինե Յաղուբյանը:

Կազմակերպության փոխնախագահ Կարեն Չիլինգարյանն էլ նշեց, որ գնաճ հիմնականում նկատելի է մրգերի, բանջարեղենի, ընդեղենի և մսամթերքի շուկայում:

«Ապրանքատեսակների գները հիմնականում վերջին 2 շաբաթներին են բարձրանում: Հենց այդ ընթացքում էլ ավելանում է ժամկետանց մթերքների քանակը»,-հայտնեց Չիլինգարյանը՝ հույս հայտելով, որ ՏՄՊՊՀ վերջին բացահայտումներից հետո քաղաքացիներն ավելի զգոն կլինեն:

ՀԿ-ի նախագահի խոսքով՝ աշխարհի շատ երկրներում տոներին ընդառաջ գների անկում է լինում. սպառողները ֆինանսնապես չեն տուժում, իսկ վաճառողները լավ աևւտուր են անում:

«Սակայն մեզ մոտ տեղի է ունենում հակառակ պրոցեսը՝ ապրանքների գները կտրուկ բարձրանում են: Կառավարությունն այս առումով պետք է վերահսկողություն սահմանի»,-նշեց նա:

Բանախոսը հավելեց նաև, որ հագուստի պարագայում թանկացումներ չեն սպավում: Խանութներում գործում են կայուն՝ 20-30% զեղչեր: