Հերթական լրագրողի սպանությունը Ռուսաստանի Հյուսիսային Կովկասում

Հինգշաբթի առավոտյան արձանագրվել է հերթական լրագրողի սպանությունը Ռուսաստանի Հյուսիսային Կովկասում: Համաձայն Reuters գործակալության՝ իրարից տարբեր երկու պատահար է տեղի ունեցել մի քանի ժամվա ընթացքում չորեքշաբթի երեկոյան և հինգշաբթի առավոտյան Կաբարդինո-Բալկարիա նահանգի կենտրոն Նալչիկ քաղաքում: Պարզ չէ արդյոք այդ երկու պատահարները իրար հետ կապ ունեն, թե ոչ:

28-ամյա ժուռնալիստ Կազբեկ Գեկին սպանվել է չորեքշաբթի երեկոյան տեղական ժամանակով ժամը 21.00-ին՝ գործից տուն վերդառնալիս: Վերջինս աշխատում էր որպես VGTRK հեռուստաալիքի տարածաշրջանի ներկայացուցիչ: Դեպքը սարսափեցրել է այլ լրագրողների, որոնք լուսաբանում էին շրջանում ընդհատակյա գործող խմբերի գործունեությունը:

Հինգշաբթի առավոտյան ժամը 9.00-ին սպանվել է Վլադիմիր Դյաչենկոն:

Համաձայն պաշտոնական տվյալների՝ օրեկան հարձակումներ են տեղի ունենում այդ շրջանում, որոնք պատկանում են ընդհատակյա խմբերին, որոնք ջանում են ստեղծել իսլամական նահանգ: