Ռուս աշակերտուհիների երգը հայտնվել է Billboard-ի միջազգային աղյուսակում

Ռուս աշակերտուհիների «Sigma Boy» երգը Billboard-ի «Hot Dance/Pop Songs» նոր աղյուսակում գրավել է յոթերորդ տեղը։

Առաջին տեղը զբաղեցրել է Թեյթ Մաքրեյի «It's Ok I'm Ok» երգը, երկրորդ տեղը՝ Charli XCX «Apple» թրեքը, իսկ լավագույն եռյակը եզրափակել է նորից Charli XCX–ի «360» կոմպոզիցիան։  Ընդհանուր առմամբ 15 թրեք է հայտնվել չարթում, այդ թվում՝ Քեթի Փերիի հիթը՝ «I'm His, He's Mine»:

«Sigma Boy» երգը թողարկվել է 2024 թվականի հոկտեմբերին։ Այն կատարում են երգչուհիներ Բեթսին (իսկական անունը՝ Սվետլանա Չերտիշչևա, 11 տարեկան) և Մարիա Յանովսկայան (12 տարեկան)։ Երգը վիրուսային տարածում է գտել թողարկումից անմիջապես հետո՝ երեք ամսում YouTube-ում հավաքելով ավելի քան 51 միլիոն դիտում։