Չինաստանը հայտարարել է, որ ողջունում է բանակցությունները Սաուդյան Արաբիայում

Պեկինը ողջունում է խաղաղության հասնելուն ուղղված բոլոր ջանքերը, ներառյալ ԱՄՆ-ի և Ռուսաստանի միջև բանակցությունները, երեքշաբթի ճեպազրույցում ասել է Չինաստանի ԱԳՆ խոսնակ Գուո Ցզյակունը, գրում է Euromedia24-ը։

 

Ռուս-ամերիկյան պատվիրակությունները երեքշաբթի օրը Սաուդյան Արաբիայում հանդիպում կունենան, որը նվիրված կլինի ռուս-ամերիկյան հարաբերությունների ողջ համալիրի վերականգնմանը։ Բացի այդ, բանակցություններում հարց կա համաձայնեցնելու, թե ինչպես սկսել բանակցությունները Ուկրաինայի հարցով, նախօրեին ասել է ՌԴ նախագահի օգնական Յուրի Ուշակովը, որը ռուսական պատվիրակության կազմում է։

 

«Մենք ողջունում ենք խաղաղության հասնելու բոլոր ջանքերը, ներառյալ խաղաղության բանակցությունների շուրջ ԱՄՆ-ի և Ռուսաստանի կողմից ձեռք բերված կոնսենսուսը», - ասել է Գուո Ջյակունը:

Միաժամանակ, դիվանագետն ընդգծել է, որ միևնույն ժամանակ «Չինաստանն ակնկալում է, որ բոլոր կողմերը ժամանակին կմասնակցեն խաղաղ բանակցություններին»։

 

Գուո Ցզյակունը հավելել է, որ Չինաստանը միշտ հավատացել է, որ երկխոսությունն ու բանակցությունները ճգնաժամի լուծման միակ կենսունակ միջոցն են, և միշտ հաստատակամորեն հավատարիմ է եղել խաղաղությանն ու բանակցություններին աջակցելուն։