Հունգարիայում խոսել են Մյունխենի կոնֆերանսի ղեկավարի մասին, ով լաց է եղել

Զարմանալի չէ, որ Եվրոպային լուրջ չեն վերաբերվում միջազգային հարթակի մյուս երկրները։ Այսպես է Facebook սոցիալական ցանցում  մեկնաբանել Հունգարիայի վարչապետ Վիկտոր Օրբանի խորհրդական Բալաշ Օրբանը Մյունխենի անվտանգության համաժողովում տեղի ունեցած միջադեպը, որտեղ նրա ղեկավար Քրիստոֆ Հոյսգենը լաց է եղել։

«Եթե նման մարդիկ մտածում են մայրցամաքի անվտանգության մասին, չպետք է զարմանալ, որ Եվրոպային լուրջ չեն վերաբերվում»,- ընդգծել է նա։

Փետրվարի 14-ից 16-ը Գերմանիայում անցկացվել է Մյունխենի անվտանգության 61-րդ համաժողովը։ Միջոցառման փակման ժամանակ Հոյսգենն ասել է, որ ԱՄՆ փոխնախագահ Ջեյ Դի Վենսը պետք է զգուշանա այն փաստից, որ ԱՄՆ-ի և Եվրոպայի ընդհանուր արժեքային բազան «կարող է այլևս այդքան միասնական չլինել», որից հետո նա լաց է եղել։

Ռուսաստանի Անվտանգության խորհրդի փոխնախագահ Դմիտրի Մեդվեդևը Հոյսգենին անվանել է «հազվագյուտ հրեշ»։ Այսպես է նա մեկնաբանել միջոցառման փակման արարողությունը, որում գերմանացի քաղաքական գործիչը լաց է լինում։