Տղամարդն ամանորյա փաթեթավորումով նռնակ էր նվեր ուղարկել

ՌԴ Իրկուտսկի շրջանի Տայշետ քաղաքում տեղի քաղաքացի Օլեգ Սաֆարովը դատարանի առջև է կանգնել սպանության մեղադրանքով: Տղամարդը կոնֆետեղենի տուփի մեջ ամանորյա փաթեթավորումով նռնակ էր նվեր ուղարկել 43-ամյա մի կնոջ և նրա ընտանիքին:

Ձերբակալված բիզնեսմեն Սաֆարովն անձնական կոնֆլիկտ ուներ այդ կնոջ ընտանիքի հետ: Հետաքննության ունեցած տեղեկություններով՝ մեղադրյալը եթադրում էր, որ «նվերը» կբացեն ամանորյա սեղանի շուրջ, երբ ներկա կլինեն ընտանիքի բոլոր անդամները. հայտնում է Риа Новости-ն:

Պայթյունը որոտացել է տուփը բացելու պահին: Նվերը բացած գործարար կինը մահացել է: Օլեգ Սաֆարովին մեղադրանք է ներկայացվել քրեական օրենսգրքի միանգամից մի քանի հոդվածով, այդ թվում՝ սպանություն և սպանության փորձ: