Առաջարկել են Սոբչակին, Նավալնուն և Գելմանին զրկել ՌԴ քաղաքացիությունից

«Ազգային խորհուրդ» ուղղափառ-հայրենասիրական կազմակերպության պետերբուրգյան մասնաճյուղը, ի պատասխան ամերիկյան «Մագնիտսկու ցուցակին», առաջարկել է օտարերկրացի լրտեսի կարգավիճակ տրամադրել ոչ միայն իրավաբանական, այլ նաև ֆիզիկական անձանց, որոնց անհրաժեշտության դեպքում հնարավոր կլինի զրկել քաղաքացիությունից: Ինչպես նշվում է, խոսքն այնպիսի գործիչների մասին է, ինչպիսիք են հայտնի հեռուստահաղորդավար, ընդդիմադիր ակտիվիստ Քսենյա Սոբչակը, ընդդիմադիր քաղաքական գործիչ, բլոգեր Ալեքսեյ Նավալնին, Գարի Կասպարովը և այլն: Կազմակերպությունը դիմել է ՌԴ նախագահ Վլադիմիր Պուտինին և արտաքին գործերի նախարար Սերգեյ Լավրովին ամերիկյան «Մագնիտսկու ցուցակին» սիմետրիկ պատասխան տալու առաջարկով. հայտնում է ВЗГЛЯД թերթը:

«Դիմա Յակովլևի ցանկ» ստեղծելու Պետդումայի առաջարկը, «որը կներառի ԱՄՆ-ում որդեգրված ռուս երեխաների մահվան մեջ մեղավորներին», համարժեք պատասխանը չի հադիսանում «Մագնիտսկու ցուցակին» և վտանգ չի ներկայացնում ամերիկյան քաղաքական էլիտայի և բիզնեսի համար, այլ ուղղված է կոնկրետ ֆիզիկական անձանց դեմ»,-իրենց շարժման կայքում նշում են նախաձեռնության հեղինակները:

Նշվում է այն մարդկանց անունները, ում կարող է վերաբերել այս առաջարկը. «Ենթադրում ենք, որ այնպիսի մարդկանց գործունեությունը, ինչպիսիք են Վլադիմիր Պոզդները, Մարատ Գելմանը, Ալեքսեյ Նավալնին, Քսենիա Սոբչակը, Բորիս Նեմցովը, Եկատերինա Լախովան, Պավել Կրոտինը, Նիկոլայ Ալեքսեևը: Գարի Կասպարովի գործունեությունը դրա վառ ապայույցն է»,-պնդում են ակտիվիստները: