Սպանել են «Единая Россия»-ի խորհրդարանական ներկայացուցչին

Երկու անհայտ անձինք մտել են Կաբարդինո-Բալկարիա նահանգի կենտրոն Նալչիկ քաղաքում գտնվող Բորիս Ժերուկովի գրասենյակ և երկու անգամ կրակելով նրա գլխին՝ սպանել են: Այս մասին հայտնում է Reuters գործակալությունը:

Ժերուկովը խորհրդարանում ներկայացնում էր «Единая Россия» կուսակցությունը և եղել է տեղի Ագրարային համալսարանի ռեկտորը:

Հյուսիային Կովկասում շատ ակտիվ են իսլամիստական շարժումները, որոնք պայքարում են Ռուսաստանից առանձնանալու համար և բողոքում են կաշառակերությունից, ոստիկանության կողմից գործադրվող բռնություններից և գործազրկությունից: