Ռուսական Contact և Blizko վճարային համակարգերը Հայաստաում զրկվել են գործունեության իրավունքից

Ռուսական միանգամից երկու՝ Contact և Blizko հաշվարկավճարային համակարգերը ՀՀ կենտրոնական բանկի կողմից զրկվել են երկրում գործունեություն ծավալելու իրավունքից, ИА REGNUM լրատվական գործակալությանը հայտնել են Կենտրոնական բանկից:

Ընդունված որոշումով պայմանավորված՝ պարզվել է, որ (Русславбанк) բաժնետիրաառևտրային բանկը, որը Contact հաշվարկավճարային համակարգի օպերատորն է, առանց հիմնավորման և լուրջ պատճառների խախտել է հայկական 6 բանկ-գործընկերների հետ կնքած համաձայնության կետերը և չի ապահովել հաշվարկավճարային համակարգի հասանելիությունն ապահովող նրանց իրավունքը:

«Օպերատորի նման գործելաոճը սպառնում է ֆինանսական համակարգի կայունությանն ու նրա անդամների վճարունակությանը»,-ասված է Կենտրոնական բանկի հաղորդագրության մեջ:

Հայաստանում 8 բանկ-գործընկեր ունեցող Blizko համակարգի գործունեությունը ևս կասեցվել է նույն պատճառներով:

Հիշեցնենք, որ համանման հիմքերով այս տարվա կեսերին ընդհատվել էր Հայաստանում Migom և Золотая Корона հաշվարկա-վճարային համակարգերի գործունեությունը: