Մրցանակաբաշխության ամփոփում

Ամփոփվել են «Հայապահպանության գործում նշանակալի ավանդի համար» մրցանակաբաշխության «Հայկական լրատվամիջոց», «Հայկական կրթօջախ», «Մայրենիի պաշտպան», «Ցեղասպանության 100-ամյա տարելիցը» անվանակարգով շարադրությունների, ուսանողական ուսումնասիրությունների մրցույթները: Մրցանակաբաշխությանը բոլոր անվանակարգերով մասնակցել են 144 հայկական կազմակերպություն, լրատվամիջոց, կրթօջախ, մշակութային կենտրոն, ուսուցիչ, լեզվաբան, աշակերտ, ուսանող:

«Հայկական լրատվամիջոց» մրցույթի արդյունքներն ամփոփվել են Լրագրողների համահայկական 6-րդ հոկտեմբերյան համաժողովում, մրցույթին մասնակցած 19 երկրի 44 լրատվամիջոցից 34-ը դարձել է մրցանակակիր:

Մյուս երեք մրցույթների հայտերի ընդունման վերջնաժամկետն էր ս.թ. նոյեմբերի 15-ը: Մրցանակաբաշխության երեք անվանակարգերով մրցույթներին ներկայացվել է 100 հայտադիմում: Մրցութային հանձնախմբերի կողմից ավարտվել է հայտերի գնահատումն ու ամփոփումը:

Մրցանակաբաշխությանը ըստ երեք անվանակարգերի ներկայացվել է «Հայկական կրթօջախ» 26՝ 5 երկրից,

«Մայրենիի պաշտպան» 34՝ 11 երկրից (անհատներ՝ 19, կազմակերպություններ՝ 15),

«Ցեղասպանության 100-ամյա տարելիցը»՝ շարադրությունների, ուսանողական հետազոտությունների մրցույթ 40 հայտ՝ 7 երկրից:

Մրցութային հանձնախմբերը մրցանակային տեղերը բաշխել են 87 անհատի և կազմակերպության միջև, հետևյալ կերպ.

1-ին կարգի դիպլոմ և դրամական պարգև -23

2-րդ կարգի դիպլոմ և դրամական պարգև - 35

3-րդ կարգի դիպլոմ և խրակուսական պարգև - 29: