Հաստատվել է 2013 թվականի պետական նպաստների չափը

2013 թվականի կառավարության առաջին նիստի ժամանակ ընդունվեց 2013 թվականի պետական նպաստների չափերը սահմանելու մասին օրենքի նախագիծը:

Համաձայն «Պետական նպաստների մաuին» Հայաստանի Հանրապետության oրենքի 8-րդ, 20-րդ, 22-րդ, 24-րդ և 24.2-րդ հոդվածների՝ Հայաստանի Հանրապետության գործադիրը որոշեց.

1. Հաստատել ընտանեկան նպաստի և միանվագ դրամական oգնության վճարման համար նախատեսված ֆինանսական միջոցների չափերն ըստ սոցիալական ծառայություններ տրամադրող տարածքային մարմինների՝ հաշվի առնելով Հայաստանի Հանրապետության 2013 թվականի պետական բյուջեի նախագծով ընտանեկան նպաստի և միանվագ դրամական օգնության համար հատկացված միջոցները՝ համաձայն հավելվածի:

2. Սահմանել ընտանիքի անապահովության սահմանային միավորը, ընտանեկան նպաստի բազային մասի, հավելման և միանվագ օգնության չափերը՝

1) ընտանիքի անապահովության սահմանային միավորի մեծությունը՝ 30.00 միավոր.

2) ընտանեկան նպաստի բազային մասը՝ 16000 դրամ.

3) 30.01-35.00 անապահովության միավոր ունեցող ընտանիքների՝

ա. յուրաքանչյուր 18 տարին չլրացած անդամին տրվող հավելումը՝ 5500 դրամ,

բ. 18 տարին չլրացած չորս և ավելի անդամ ունեցող ընտանիքների (այսուհետ՝ բազմազավակ ընտանիք) յուրաքանչյուր 18 տարին չլրացած անդամին տրվող հավելումը՝ 6500 դրամ,

գ. բարձր լեռնային կամ սահմանամերձ բնակավայրերի ընտանիքների յուրաքանչյուր 18 տարին չլրացած անդամին տրվող հավելումը՝ 6000 դրամ,

դ. բարձր լեռնային կամ սահմանամերձ բնակավայրերի բազմազավակ ընտանիքների յուրաքանչյուր 18 տարին չլրացած անդամին տրվող հավելումը՝ 7000 դրամ.

4) 35.01-39.00 անապահովության միավոր ունեցող ընտանիքների՝

ա. յուրաքանչյուր 18 տարին չլրացած անդամին տրվող հավելումը՝ 6000 դրամ,

բ. բազմազավակ ընտանիքի յուրաքանչյուր 18 տարին չլրացած անդամին տրվող հավելումը՝ 7000 դրամ,

գ. բարձր լեռնային կամ սահմանամերձ բնակավայրերի ընտանիքների յուրաքանչյուր 18 տարին չլրացած անդամին տրվող հավելումը՝ 6500 դրամ,

դ. բարձր լեռնային կամ սահմանամերձ բնակավայրերի բազմազավակ ընտանիքների յուրաքանչյուր 18 տարին չլրացած անդամին տրվող հավելումը՝ 7500 դրամ.

5) 39.01 և ավելի անապահովության միավոր ունեցող ընտանիքների՝

ա. յուրաքանչյուր 18 տարին չլրացած անդամին տրվող հավելումը՝ 6500 դրամ,

բ. բազմազավակ ընտանիքի յուրաքանչյուր 18 տարին չլրացած անդամին տրվող հավելումը՝ 7500 դրամ,

գ. բարձր լեռնային կամ սահմանամերձ բնակավայրերի ընտանիքների յուրաքանչյուր 18 տարին չլրացած անդամին տրվող հավելումը՝ 7000 դրամ,

դ. բարձր լեռնային կամ սահմանամերձ բնակավայրերի բազմազավակ ընտանիքների յուրաքանչյուր 18 տարին չլրացած անդամին տրվող հավելումը՝ 8000 դրամ.

6) միանվագ դրամական oգնության չափերը՝ ընտանեկան նպաստի իրավունք ունեցող ընտանիքում՝

ա. երեխայի ծննդյան դեպքում՝ 50000 դրամ,

բ. երեխայի՝ առաջին դասարան ընդունվելու դեպքում՝ 25000 դրամ,

գ. ընտանիքի անդամի մահվան դեպքում՝ 50000 դրամ.

7) հրատապ օգնության չափը՝ ընտանեկան նպաստի իրավունք չունեցող ընտանիքում՝ 16000 դրամ:

3. Սահմանել երեխայի ծննդյան միանվագ նպաստի չափը՝ 50000 դրամ, իuկ ընտանիքում ծնված երրորդ, ինչպեu նաև հաջորդ յուրաքանչյուր երեխայի համար' 430000 դրամ:

4. Սահմանել մինչև 2 տարեկան երեխայի խնամքի նպաստի չափը՝ 18000 դրամ:

5. Սահմանել՝

1) զոհված՝ Հայաստանի ազգային հերոսի ընտանիքի նպաստի չափը՝ 250000 դրամ.

2) զոհված՝ առաջին աստիճանի Մարտական խաչ շքանշանով պարգևատրված անձի ընտանիքի նպաuտի չափը՝ 150000 դրամ.

3) զոհված՝ երկրորդ աստիճանի Մարտական խաչ շքանշանով պարգևատրված անձի ընտանիքի նպաստի չափը՝ 100000 դրամ:

6. Թույլատրել Հայաuտանի Հանրապետության աշխատանքի և սոցիալական հարցերի նախարարին 2013 թվականի չորրորդ եռամuյակում, ըuտ անհրաժեշտության, կատարել սույն որոշման 1-ին կետով սահմանված ֆինանuական միջոցների վերաբաշխում՝ սոցիալական ծառայություններ տրամադրող տարածքային մարմինների միջև' ընդհանուր միջոցների մեկ տոկոuի սահմաններում:

7. Հանձնարարել Հայաստանի Հանրապետության մարզպետներին և առաջարկել Երևանի քաղաքապետին, Գյումրու, Վանաձորի, Ջերմուկի և Արարատի քաղաքային համայնքների ղեկավարներին՝ ապահովել 2013 թվականի ընթացքում ընտանիքների անապաովության գնահատման համակարգում ընտանիքների հաշվառման (փաստագրման) աշխատանքների արդյունավետ կազմակերպումը, իuկ սոցիալական ծառայություններ տրամադրող տարածքային մարմինների uպաuարկման տարածքում մեկից ավելի համայնքների առկայության դեպքում աշխատանքները կազմակերպել համայնքներում՝ դրանցում ներգրավելով տեղական ինքնակառավարման մարմինները:

8. Սույն որոշումն ուժի մեջ է մտնում պաշտոնական հրապարակմանը հաջորդող օրվանից և դրա գործողությունը տարածվում է 2013 թվականի հունվարի 1-ից հետո ծագած հարաբերությունների վրա: