Ջո Բայդենը սկսել է նոր փուլ քաղցկեղի բուժման մեջ՝ անցնելով ճառագայթային թերապիա

ԱՄՆ նախկին նախագահ Ջո Բայդենը սկսել է քաղցկեղի բուժման նոր փուլ՝ անցնելով ճառագայթային և հորմոնային թերապիա։ Այս մասին հայտնել է նրա ներկայացուցիչը՝ ինչպես փոխանցում է NBS-ը։

Ըստ աղբյուրի՝ Բայդենի մոտ ախտորոշվել է շագանակագեղձի ագրեսիվ քաղցկեղ, որի մասին առաջին անգամ հաղորդվել էր այս տարվա մայիսին։ The Washington Post-ը այն ժամանակ գրել էր, որ հիվանդությունը կարող էր զարգանալ դեռ նրա նախագահության տարիներին, սակայն Բայդենը նախընտրել էր չհանրայնացնել այդ տեղեկությունը։

Ինքը՝ Բայդենը, ավելի վաղ նշել էր, որ քաղցկեղը չի տարածվել այլ օրգանների վրա և որ նա գտնվում է փորձառու բժշկի հսկողության տակ, ով նույնպես հաղթահարել է հիվանդությունը։ Նախկին նախագահը վստահեցրել է, որ իր առողջական վիճակի կանխատեսումները դրական են, և նա շարունակելու է բուժումը օպտիմիզմով։