Մեդիտացիան կարող է օգնել կառավարել զայրույթը

Մեդիտացիան կարող է օգնել մարդուն ավելի լավ հասկանալ սեփական հույզերը և կառավարել զայրույթն ու ընկճվածությունը։ Այս մասին հայտնել է հոգեբան Լիլիա Լազարևան։

Նրա խոսքով՝ մեդիտացիա կարող է համարվել գրեթե ցանկացած գործողություն, որն իրականացվում է լիարժեք կենտրոնացվածությամբ՝ առանց կողմնակի մտքերի։ Կանոնավոր մեդիտացիան օգնում է ճանաչել հույզերի պատճառները, հետևել դրանց և նվազեցնել իմպուլսիվ արձագանքները։

Հոգեբանը նշել է նաև, որ մեդիտացիան կարող է նպաստել կենտրոնացման և ապրումակցման կարողության զարգացմանը։