Ցեղասպանությունը վերապրածների պահանջներն ավելի են խճճվում

Փաստաբանական վեճերը կապված ֆրանսիայկան AXA ապահովագրական կազմակերպությունում ցեղասպանության վերապրածների ժառանգների կյանքի ապահովագրության վճարների հետ դեռևս շարունակվում են: Բրայան Քաթաբեկը միջնորդություն էր ներկայացրել ԱՄՆ ֆեդերալ շրջանային դատարան փաստաբան Վարդգես Եղիայանի դեմ, որի համաձայն՝ վերջինս ապօրինի յուրացրել է ցեղասպանության ժառանգների դրամային ֆոնդերը: Այս մասին հայտնում է Asbarez.com կայքը:

Քաբաթեկը Մարկ Գերագոսի և Եղիայանի հետ այն փաստաբաններից մեկն է, ով պահանջում է ապահովագարական կազմակերպություններից վճարել ապահովագրական վճարներ ցեղասպանություն վերապրածների ժառանգներին: Քաբաթեկը 2011 թվականի մարտին միջնորդություն էր ներկայացրել Եղիայանի դեմ, որի համաձայն վերջինս ապօրինի յուրացրել է ցեղասպանության ժառանգների ֆոնդերը: Քաբաթեկի միջնորդության մեջ նշված է, որ Եղիայանը հինգ բարեգործական ծրագրեր է իրականացրել դրամական միջոցների յուրացման նպատակով: 

Քաբաթեկի կողմից դեկտեմբերի 31-ի միջնորդությունը կոչ է անում դատարանին չկարճել հետաքննությունը:

Եղիայանն իր հերթին մերժում է, որ այդ բարեգործական ծրագրերի նպատակը եղել է դրամային ֆոնդերի յուրացումը:

Միջնորդության վերաբերյալ դատական լսումները տեղի կունենան հունվարի 28-ին ԱՄՆ շրջանային դատարանում: