Քաղաքագետը կասկածի տակ է դրել Պուտին–Թրամփ հանդիպման Բուդապեշտում

Ռուս քաղաքականագետ Ալեքսանդր Կոնյկովը, ով դասախոսում է Ռուսաստանի կառավարության ֆինանսական համալսարանում, հայտնել է, որ Պուտին–Թրամփ առաջիկա հանդիպումը կարող է չկայանալ Բուդապեշտում, ինչպես նախկինում էր նշվել։ Այդ մասին նա ասել է «Лента.ру»-ի հետ զրույցում։

Կոնյկովի խոսքով՝ նախապես քննարկվել էր, որ հաջորդ գագաթնաժողովը կարող է անցկացվել Ռուսաստանի տարածքում, ուստի Բուդապեշտը դեռ դիտարկվում է որպես միայն հնարավոր տարբերակ, ոչ թե հաստատված վայր։ «Բուդապեշտը գտնվում է Եվրամիության կենտրոնում, և անվտանգության տեսանկյունից այն բավական բարդ վայր է նման հանդիպման համար», — ընդգծել է նա։

Հիշեցնենք, որ հոկտեմբերի 16-ին Պուտինն ու Թրամփը ունեցել են երկժամյա հեռախոսազրույց, որի ընթացքում, ըստ Թրամփի, ձեռք է բերվել «մեծ առաջընթաց»։ Հունգարիայի վարչապետ Վիկտոր Օրբանի խոսքով՝ հնարավոր է, որ առաջնորդների հանդիպումը կայանա երկու երկրների ԱԳ նախարարների բանակցություններից մեկ շաբաթ անց։