19 մարդ մահացել է գնացքի վթարի պատճառով

Կահիրեի հարավում առնվազն 19 մարդ մահացել և 100 վիրավորվել են, երբ գնացքի մարդատար վագոնները դուրս են եկել երկաթգծերից: Այս մասին նշում է Express անգլիական պարբերականը:

Պատահարը տեղի է ունեցել գնացքի ու դպրոցական ավտոբուսի ողբերգական բախումից երկու շաբաթ անց:

Պաշտոնական Մենա լրատվական գործակալությունը, մեջբերելով առողջապահության նախարարության աշխատակիցների խոսքերը, նշում է, որ շուրջ 107 վիրավոր տեղափոխել է Գիզայի Բադրաշեն վայր: Նշվում է նաև, որ հնարավոր է՝ զոհերի թիվը աճի: 

Ահրամ լրատվական կայքը տեղեկացնում է, որ գնացքում գտնվել է շուրջ 1328 զինվոր, որոնք Ասիութից տեղափոխվում էին Կահիրե: