Կինն ամուսնուն մեղադրել է դավաճանության մեջ՝ հավատալով գուշակին

Չինաստանի Ուհու քաղաքում ապրող մի կին մեղադրել է իր ամուսնուն դավաճանության մեջ՝ հավատալով առցանց գուշակի կանխատեսմանը, գրում է South China Morning Post-ը։

Կինը վճարել է 500 յուան (մոտ 5600 ռուբլի)՝ մասնակցելու գուշակության սեանսին։ Գուշակը նրան ասել է, որ ամուսինը հանդիպում է այլ կանանց հետ և այցելում է հյուրանոցներ նրանց հետ միասին։ Տեղեկությունը լսելուց հետո կինը սկսել է հարցաքննել ամուսնուն և չդադարել մեղադրել անգամ նրա բացատրություններից հետո։ Արդյունքում՝ հոկտեմբերի 22-ին տղամարդը դիմել է ոստիկանություն՝ իր անունը մաքրելու համար։

«Նա առավոտվանից մինչև գիշեր զանգահարում է այդ գուշակին։ Ես ասացի՝ այլևս չեմ դիմանում, ապրելը դարձել է անտանելի»,— պատմել է ամուսինը։ Ոստիկան Չժաո Սինյույը հաստատել է պատմության իսկությունը՝ նշելով, որ կինը հավատացել է գուշակի խոսքերին, քանի որ ինտերնետում դրական մեկնաբանություններ է տեսել նրա մասին։ Ոստիկանությունը զգուշացրել է կնոջը՝ չտրվել սնահավատությանը և օգնել է զույգին հաշտվել։