Կանանց մոտ ծխելը մինչև 1,7 անգամ բարձրացնում է թոքերի քաղցկեղի ռիսկը

Ռուս թորակալ վիրաբույժ և ուռուցքաբան Անդրեյ Նեֆեդովը նշել է թոքերի քաղցկեղի առաջացման երեք հիմնական գործոն՝ ընդգծելով, որ որոշ մարդկանց մոտ հիվանդության վտանգը մի քանի անգամ գերազանցում է նորման։ Նրա խոսքով՝ ամենակարևոր պատճառը ծխելն է, որը հատկապես վտանգավոր է կանանց համար, քանի որ նրանց ԴՆԹ-ն և բջջային կառուցվածքները ավելի արագ են վնասվում։ Արդյունքում՝ կանանց մոտ քաղցկեղի հավանականությունը 1.2–1.7 անգամ բարձր է, քան տղամարդկանց մոտ։

Բացի դրանից, բժիշկը շեշտել է, որ խրոնիկ օբստրուկտիվ թոքային հիվանդությունը (ԽՕԹՀ) քաղցկեղի վտանգը մեծացնում է մոտ չորս անգամ, իսկ ինտերստիցիալ թոքային հիվանդությունները (ԻԹՀ)՝ մինչև 7.5 անգամ։ Նա նաև նշել է, որ նախկինում տարած տուբերկուլյոզը կրկնակի ավելացնում է թոքերի քաղցկեղի առաջացման հավանականությունը։

Ավելի վաղ տոքսիկոլոգ Միխայիլ Կուտուշովը ևս զգուշացրել էր, որ ալկոհոլի օգտագործումը նպաստում է ԴՆԹ-ի վնասմանը և մուտացիաների առաջացմանը, որոնք երկարաժամկետ հեռանկարում կարող են հանգեցնել ուռուցքաբանական հիվանդությունների զարգացման։