ԱՍՀ նախարարության բյուջեն կկազմի 993 մլրդ դրամ
Հասարակություն
ՀՀ աշխատանքի և սոցիալական հարցերի նախարարության բյուջեն նախատեսվում է սահմանել 993 մլրդ 17 մլն դրամի շրջանակներում։ Այս մասին ԱԺ աշխատանքի և սոցիալական հարցերի ու ֆինանսավարկային և բյուջետային մշտական հանձնաժողովների համատեղ նիստում 2026 թ․ պետական բյուջեի նախնական քննարկման ժամանակ ասաց ֆինանսների փոխնախարար Վահան Սիրունյանը։
«Այդ 993 մլրդ 17 մլն դրամից 990 մլրդ 660 մլն դրամն ընթացիկ ծախսերի համար է նախատեսվում հաստատել, իսկ 2 մլրդ 356 մլն դրամը՝ կապիտալ ծախսերի համար։ Նախորդ տարվա համեմատ նախարարության ծախսերն աճել են 87 մլրդ 37 մլն դրամով կամ 9,6 տոկոսով»,- նշեց փոխնախարարը։
Նրա խոսքով՝ կուտակային կենսաթոշակների գծով հատկացումները կաճեն մոտ 34 մլրդ դրամով, իսկ Լեռնային Ղարաբաղից տեղահանվածներին տրամադրվող աջակցության ծախսերը` 20 մլրդ դրամով։
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
