Բացահայտվել են Լեպսի շքեղ պահանջները․ 4 լիտր ալկոհոլ, հում ձվեր և 15 միլիոն ռուբլու հոնորար

Ռուսաստանցի երգիչ Գրիգորի Լեպսի համերգային պայմանագրում՝ ռայդերում, լրագրողները հայտնաբերել են մի շարք շքեղ պահանջներ․ չորս լիտր էլիտար ալկոհոլ, հում ձվեր ձայնի համար, ինչպես նաև բարձրորակ հիգիենիկ պարագաներ։ Ինչպես հաղորդում է Mash Telegram-ալիքը, երգիչը պահանջում է տեղափոխվել միայն բիզնես դասով և օգտագործել բացառապես վերջին մոդելի Mercedes, BMW կամ Lexus ավտոմեքենաներ՝ ծխելու թույլտվությամբ։

Լեպսը պահանջում է մնալ միայն հինգաստղանի հյուրանոցներում, իսկ իր թիմին տրամադրել սովորական համարներ։ Համաձայն փաստաթղթի՝ երգչի օրական վճարումը կազմում է 15 միլիոն ռուբլի, տնօրենի՝ 15 հազար, իսկ թիմի անդամներին տրվում է օրական 5 հազար ռուբլի։

Ռայդերում նաև նշված է, որ նրա հանդերձարանում պետք է լինի ֆրանսիական բարձրակարգ գինի և 12 տարվա հնեցմամբ վիսկի։ Լեպսը նաև պահանջում է մատակարարել հում ձվեր՝ ձայնի խնամքի համար, ինչպես նաև առանձնացված տարածք բժշկի համար, որը ստանում է 5 հազար ռուբլի յուրաքանչյուր համերգի ընթացքում։ Նշենք, որ վերջերս երգիչը հայտնվել էր լրատվական ուշադրության կենտրոնում՝ Վլադիվոստոկում համերգից հետո թունավորվելու և հոսպիտալացման պատճառով։