Ձեռքով գրելն օգնում է բարելավել հիշողությունը. հոգեբան

Հոգեբան Էլոյզա Սքինները HuffPost-ի հետ զրույցում նշել է, որ ձեռքով գրելը կարող է զգալիորեն բարելավել մարդու հիշողությունը և մտավոր ունակությունները։ Նրա խոսքով՝ մարդիկ, որոնք գրում են ձեռքով, տեղեկատվությունը հիշում են ավելի հեշտ և լավ արդյունքներ են ցույց տալիս թեստերի ու քննությունների ժամանակ՝ համեմատած նրանց հետ, ովքեր տեքստը միայն տպում են համակարգչով։

Մասնագետը բացատրել է, որ գրելու գործընթացի ժամանակ ուղեղում գրանցվում է ավելի բարձր ակտիվություն, քան էլեկտրոնային ձևով գրելու դեպքում։ Դա պայմանավորված է նրանով, որ ձեռքով գրելը ձևավորում է նեյրոնային կապեր, որոնք կարևոր դեր ունեն հիշողության ամրապնդման և նոր տեղեկատվության մշակման գործում։

Սքինների խոսքով՝ ձեռագիր գրելը ոչ միայն ուժեղացնում է հիշողությունը, այլ նաև օգնում է կառուցել մտքերը, բարելավել ուղղագրությունն ու ձևավորել ավելի գիտակցված, անձնական ոճ։ Նա եզրակացրել է, որ ձեռքով գրելու սովորությունը նպաստում է ուսուցման արդյունավետությանը և ուղեղի ընդհանուր առողջության պահպանմանը։