Օզի Օսբորնի թոռնիկը կրկնել է պապի հայտնի արարքը՝ կծելով չղջիկի գլուխը

Լեգենդար ռոք երաժիշտ Օզի Օսբորնի երկու տարեկան թոռնիկը՝ Սիդնի Ուիլսոնը, Հելոուինի առթիվ կրկնել է պապի պատմական ժեստը՝ «կծելով» խաղալիք չղջիկի գլուխը։ Տեսանյութը հրապարակվել է տղայի մոր՝ Քելլի Օսբորնի TikTok-յան էջում և հավաքել է ավելի քան 8,4 միլիոն դիտում։

Փոքրիկը երևում է էկրանին՝ հագին կմախքի պատկերով սպորտային համազգեստ և կարմիր ճտքավորներ։ Տեսանյութը ուղեկցվում է մակագրությամբ․ «Սովորում է լավագույնից՝ հայրիկից»։ Դրանով Քելլին հղում է անում Օզի Օսբորնի հայտնի միջադեպին, երբ 1982 թվականի հունվարի 20-ին Այովայում կայացած համերգի ժամանակ երգիչը բեմում կծել էր չղջիկի գլուխը՝ այն սխալելով ռետինե խաղալիքի հետ։

Տեսանյութը դարձել է համացանցային հիթ, իսկ օգտատերերը հումորով նշել են, որ Օսբորնի ընտանիքում նույնիսկ փոքրերը «ժառանգաբար ռոք են շնչում»։