«Ես միշտ եմ եկել Հովհաննավանք, Տեր Արամի մոտ վաղուց եմ գալիս»․ դպրոցի տնօրենը՝ Փաշինյանի հավաքի մասնակից

Հակոբ Կոջոյանի անվան դպրոցի տնօրեն Ռուզաննա Երեմյանը, ով հրապարակավ հայտարարել էր, որ կմիանա վարչապետի՝ Վեհարանը կաթողիկոսից ազատելու գործողությանը, այս կիրակի նույնպես մասնակցում է կարգալույծ հռչակված քահանայի «պատարագին»։

Լրագրողների հարցին, թե ամեն օր գալու է Հովհաննավանք՝ մասնակցելու պատարագներին, նա պատասխանեց․ «Այո՛։ Ես միշտ եմ եկել Հովհաննավանք։ Սրան նախորդող շաբաթներն էլ եմ եկել։ Տեր Արամի մոտ վաղուց եմ գալիս»։

Լրագրողի դիտարկմանը, որ նա արդեն կարգալույծ է հռչակվել և այլևս Ստեփան Ասատրյան է, տնօրենն արձագանքեց․ «Ինձ համար Տեր Արամ է»։

Հարցին, թե շարունակում է մասնակցել «Կրթվելը նորաձև է» շարժման հանդիպումներին, նա դրական պատասխան տվեց․ «Այո՛»։